安倍首相胸懷大志，來到自衞隊基地檢閱部隊。

「你哋係咩連？」安倍循例問一問番號。「報告首相！我哋係大波連！」「吓？」「首相！我哋個名取自大海嘯波濤洶湧中依然屹立不倒嘅意象！」安倍單聽名字已經感到巨大的壓迫感，喘氣說：「好名！願你哋用最緊密嘅攻勢，將天皇嘅敵人左右夾擊，務求要佢哋喺浪接浪嘅戰鬥高潮下潰不成軍！」

過了一會，安倍走到停機坪上。「報告首相！我哋係航空自衞隊！」安倍一聽，心裏不是味兒，暗說：「空軍就空軍，乜嘢航空自衞隊、飛機自衞隊？」安倍循例問一問番號，那隊員答道：「報告首相！我哋係蒼井空軍！」安倍兩眼放光，大喜道：「原來係我哋嘅王牌部隊！唔係講笑，真係秒秒鐘都可以殺幾百億敵人！」

安倍巡過一遍，對自衞隊信心大增，絕對可以當好「奧巴馬前卒」。他興致大發，走進裝甲車，從車頂上鬼祟露出半個「盔」頭，然後歪着嘴向一眾自衞隊員演說：「兄弟們！侵略嘅定義，喺國際學術界入面，其實係未有定義！上世紀我哋有兄弟唔小心行入咗少少，就踩入咗朝鮮同東三省；唔覺意之下，先至攻入咗上海南京，根本就唔係有預先計劃嘅！點可以話侵略呢？」