政壇：政商定格：徐燦傑靠晨早食麵減肥
徐燦傑成功用咗三個月減咗三十磅，下巴果然尖尖的。
炎夏將至，好多人都心急要減肥！港大電子金融服務榮譽助理教授徐燦傑（Prof. J）好驕傲咁講成功減肥。
徐燦傑成功用咗三個月減咗三十磅，下巴果然尖尖的。
Prof. J嘅減肥方法，竟然係每朝食即食麵！佢話依家慣咗每朝都會點一個豐富嘅早餐，有煎蛋、火腿、即食麵等，但重點係麵只食一半；之後就唔食午餐，只係揀飲齋啡或普洱茶；到晚餐就食一啲清蒸餸菜同半碗飯，配合作息定時、同埋做瑜伽。結果，佢用咗約三個月，就由超過二百磅減到依家約一百七十磅，唔單止面尖咗、肌肉結實咗，更重要係肚腩細咗，魅力指數立即提升。
係人都知食太多即食麵會致肥，Prof. J呢個方法，你夠唔夠膽試？
