政壇：政商定格：趙麗娟助提高女性地位
趙麗娟（左）同余嫿都係專業時尚女性嘅典範。
由城市女青年商會舉辦嘅年度全港時尚專業女性選舉，今年由仍係單身嘅會計師公會首位女會長Susanna趙麗娟擔任首席評審，佢憶述當年喺英國培訓，要先過兩大關，即係國籍同性別，縱使與男性同等職級，仍要加倍努力，先有今時今日嘅地位。
趙麗娟（左）同余嫿都係專業時尚女性嘅典範。
「蜘蛛女」鄭麗莎與在場人士分享做才女嘅心得。
Susanna話女性未來喺業界發展嘅路途會更順暢，事關港交所將於九月實行性別、年齡、技能等方面多元化平衡，間接鼓勵女性地位嘅提升。佢話依家公會內嘅女性會員數目比以往大幅增加，已與男性數目相等，可見女性地位喺職場上愈見重要。
著名時裝設計師余嫿、「蜘蛛女」鄭麗莎、IT界才女Autodesk港澳地區區域總監Wendy李煥明等幾位得過獎嘅才女，都有出席日前活動開幕禮，仲即場分享成功之道。
