特區政府官員不理普羅市民大力反對下，透過串同民建聯傀儡式舉手和議，匆匆於立法會裏，強搶香港公帑一億大元，當作賑災捐款，施捨給大陸去，搞到呢幾日，坊間市民及網上留言，無不是媽媽聲的詛咒。

本人天資愚鈍，一直想不通，何解連大陸人都贊同唔好「盲捐」，甚至「罷捐」給「大陸政府」時，小小一個香港地方官卻敢於違反民意，倒行逆施，將香港人的血汗金錢，送入「虎口」，而且，啲錢不能擔保百分百用在災民身上的呢？

那日，睇《城市論壇》，噢！明白了！

席中，有位長年研究大陸貧窮問題的學者爆說：「大陸負責扶貧的官員，就是從窮人身上搵錢的！」何出此言？學者解釋，原來大陸政策是貧窮地區的經費收入，是按當地的貧窮程度而收取款項多寡，故此，官員每每誇大苦況，拿取更大的撥款。當然，有些地區實況係勁慘情，但中央的「援助金」，從來不會「全部」投到窮人手裏！同樣，發生突然而來的災難，各級官吏一層一層的誇大，由甩咗一條毛，講到全身光脫脫，就係博巨款救助！還有，當一處地方出事後，各省市要按「既定的制度」，因應那省市的富有程度而孭quota。今年廣東省GDP成績好，便要付多啲。而咁多強國人來消費，你香港搵下不少啦！遂有人無問大家，便認頭咗一億囉！

負責搞「扶貧」的大陸高官，若扶到無晒窮人，佢唔止失業，仲無着數落袋，你諗吓，一個無道德、無人性的鬼域裏，點會唔出產千刀殺的死鏟貪官吖？

睇吓仲有乜法子叫停或促使大陸回水吧！一億喎！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東方互動iPhone/iPad/Android/Windows Phone Apps