SUN搞作：Sun官場現形記：罪證曝光
自從貪曾被正義傳媒踢爆廉租「深圳禮賓府」，被外界質疑有利益輸送，佢就一直龜縮，甚少蒲頭。日前，連「深圳禮賓府」嘅豪裝都曝光，搞到貪曾老婆非常擔心……
鮑笑眉︰老公死喇！
貪曾︰啋，我未死，仲生勾勾企喺度！
鮑笑眉︰唔係呢，我哋有嘢曝咗光！
貪曾︰吓，咩嘢要咁大驚小怪？
鮑笑眉︰唔……
貪曾︰咩咁神秘，唔通同鮑魚、茅台嘅事有關？
鮑笑眉︰唔係，係豪裝曝光。
貪曾︰大鑊，仲唔執包袱走人？
鮑笑眉︰雖然畀人知道咗，但要咁急走咩？
貪曾︰唔係喎，你話「濠贓」，仲唔走，博拉咩！
鮑笑眉︰你真係衰嘢做得太多，我話係深圳禮賓府嘅「豪華裝修」曝光呀！
貪曾︰!@#$%^&**@
