政壇：政商定格：沈運龍背後有高手相助
Alice（左）創意同品味兼備，同Aaron好合拍。
中華廠商聯合會常董Aaron沈運龍係做珠寶生意嘅，由鑽飾、腕錶到葡萄酒都有自家品牌，認真點子多多，原來背後有位設計高手全力支持，佢就係沈太Alice鄭玉玲喇！Alice自細喺巴黎長大，對品味嘅要求同呼吸一樣咁理所當然，難怪同創意無限嘅Aaron咁合拍。
Alice（左）創意同品味兼備，同Aaron好合拍。
用五顏六色嘅寶石砌成嘅花花戒指，大玩復古潮流。
Alice係越南出世嘅福建人，幾個月大就隨父母移民法國，畢業後即入咗珠寶行工作，有次喺珠寶展上同Aaron相識，移居香港至今逾十年。現時Alice負責產品開發，自家牌子已有七、八個咁多。佢笑稱，有時自己想要乜嘢款式嘅首飾就自己動手設計，仲開心過出去買喎。
