政壇：政商定格：fb兩巨頭膺年輕富豪
朱克伯格在「全球最年輕億萬富豪」榜中排第二。
財經雜誌《福布斯》最近整理咗一份「全球最年輕億萬富豪」名單，榜上有名嘅都係四十歲以下、身家超過十億美元嘅企業家。排第一、二位嘅係facebook創辦人莫斯科維茨（Dustin Moskovitz）同朱克伯格，佢哋分別擁有三十八億美元同一百三十三億美元身家。其實facebook咁成功，兩位創辦人上榜一啲都唔奇，但最奇怪嘅係，點解朱克伯格嘅身家明明多啲，但就要排第二呢？
朱克伯格在「全球最年輕億萬富豪」榜中排第二。
原來因為呢個係「最年輕」富豪榜，排名係跟年齡排，莫斯科維茨細過朱克伯格八日，即係年輕啲喇，所以攞第一名，朱仔惟有做阿二。
中國亦有代表上榜，好似坐擁五十七億美元身家嘅碧桂園大股東、亦即係創辦人楊國強嘅千金楊惠妍就排第六，自○七年收到爸爸轉贈嘅股份後，佢就開始躋身各大富豪榜。
