時裝品牌活動
箱中尋寶
神秘寶箱當前，名模Jocelyn Luko（左）同老公Anthony（右）馬上打開尋寶。

科技日新月異，除觀賞魚外，食用魚都可以喺室內飼養。廠商會會董蔡少森家族早前投資八位數字，喺東莞開設全天候室內環保養殖漁場，搵來廠商會做Q嘜認證。開幕酒會上，頂級刺身率先試食，吸引商會中人雲集，感受魚樂無窮。風靡名人嘅法國時裝品牌，宣布喺香港開設亞太區旗艦店，邀請城中名人體驗時尚旅程，嘉賓以附帶喺邀請卡上嘅鎖匙，逐一打開神秘寶箱，細味每件象徵品牌獨特個性嘅小禮物。

時裝品牌活動
箱中尋寶
神秘寶箱當前，名模Jocelyn Luko（左）同老公Anthony（右）馬上打開尋寶。

眼光獨到
藝人江若琳（右）率先拎限量版手袋，Chloé總裁Geoffroy de la Bourdonnaye（左），及創作總監Clare Waight Keller（中）都讚佢識揀。

緊貼潮流
「床褥大亨」周國豐夫婦緊貼時裝潮流，春裝騷率先睇。

漁場開幕酒會
開懷暢飲
李錦記太子爺李惠中（左）遇上廠商會副會長徐晉暉（右），大家開心飲杯。

喜上眉梢
有份投資漁場嘅廠商會會董盧毓琳做副董事長，開心到笑唔停。

大展鴻圖
廠商會會董兼三泰環保漁業董事蔡少森（右一）投資巨額做「另類漁民」，會長施榮懷（左二）、副會長陳淑玲（左一）及全國僑聯副主席陳有慶（右二）祝賀佢大展鴻圖。

鮮味誘惑
鮮味刺身誘惑無窮，潮州商會青委主任葉振南（左起）、會董張詩培與「Ｋ金大王」胡楚南，最愛品嘗吞拿魚腩。

搶先品嘗
出爐靚魚任試唔嬲，潮屬社團總會前主席許學之（左），與廠商會常務會董黃家和（中），及會董陳家偉（右）第一時間試真啲。

第一手消息請下載on.cc東方互動iPhone/iPad/Android/Windows Phone Apps