SUN搞作:Sun官場現形記:咁長吖嗱,剪你!
長毛
立法會拉布戰真係變幻莫測,因為拉布四子突然之間釋出善意,提出「讓步方案」。不過,原來呢一招暗藏蠱惑,目的都係為咗令拉布呢件事立於道德高地之上,主席只要行錯一步,就會陷於不義之地……
長毛
長毛︰求吓你,唔好剪我哋呀……
MC興︰你哋搞嚟搞去,唔剪點得?
大舊︰好喇,我哋願意讓步,唔好再提剪布……布係唔可以亂剪!
MC興︰嘩嘩!換湯不換藥,咪又係繼續拉布……布係一定要剪!
主席︰夠喇!係咁「布布嘩嘩」,仲煩過嗰套爛鬼乜乜高倫布電視劇!
大舊︰嗱,我哋依家願意減少點算法定人數。
MC興︰咁順攤?
大舊︰拉布都算係政治藝術嚟,唔好隨便剪呀!
主席︰呢啲「偽術」呃到我咩?
長毛︰世事都被你看透!雖然少點人數,但點嗰陣,我哋都可以行出議事廳,流會咪仲可以嘥多啲時間!
作者:李衞