Sun奇古怪：Sun潮語：貼牌貨

內地黑心食品招數真係層出不窮，兼且冚極都仲有。你有張良計，我有過牆梯。外國有馬肉混入牛肉出售，聰明嘅強國唔知係咪受到啟發，竟然有人將老鼠肉混入羊肉做串燒，我諗屈原翻生，見到呢啲事，詩經可能會變成「食鼠食鼠，無食我鼠！」當然，鄰近地區另一樣離晒大譜嘅就係奶粉安全問題。香港自從有咗限奶令之後，強國人轉移向歐美英澳等國掃貨，搞到佢哋啲奶粉供應都有啲緊張，有啲國家或個別商戶即刻跟香港一樣出「限奶令」。最有趣嘅係，中國乳業協會仲話中國嘅奶品係無問題……如果真係無問題，就唔使領導人都要嚟香港買奶粉啦！

仲有一啲係中國企業喺海外註冊，然後喺國內搵人生產，再將國外註冊嘅品牌貼上，咁就可以當做「洋奶」出售，介紹時仲繪影繪聲咁話係外國知名品牌，但原來喺國外完全無得賣！產品只係供強國銷售，所以話作為強國人，吃有毒食物要從嬰兒開始培訓。正如早前有一段被瘋傳嘅訪問，片中嗰位強國人士講得好，佢話作為中國人，唔食齊元素周期表上所有物質，就枉稱中國人。我相當同意，強國人嘅身體構造肯定同我哋有分別，佢哋為咗GDP，可以連自己嘅下一代都唔放過，呢個咁嘅民族，可以公然用天災去發財，多難興邦。試問，香港人又點可能同佢哋血濃於水呢？如果香港班高官，尤其係林太，夠膽公開去黃河生吞幾啖黃河水嘅，我就信你係炎黃子孫嘞！