政壇：搞搞政：EQ忽然有個狗鼻？
設計圖片及對白
立法會議員葛珮帆（EQ）喺沙田碩門邨嘅辦事處尋日開幕，除邀請財爺曾俊華撐場外，仲有入贅政府嘅前核心黨員、商務及經濟發展局局長蘇錦樑（Greg蘇）同政制及內地事務局副局長劉江華等，總之就成個民建聯舊生聚會咁。Greg蘇致詞卻開口夾着脷，佢一味猛讚EQ潛水叻、仲「嗅覺敏銳」添。唔通EQ有個狗鼻？我哋事後問番EQ，佢嘅嗅覺係咪好敏銳？當事人坦承唔係喎，其實Greg蘇係想讚EQ「觸覺敏銳」咋啩？
設計圖片及對白
講錯嘢都未算，Greg蘇都犯咗政壇禁忌，事關潛水呢兩個字喺政圈好敏感，話某某議員潛水，即係唔見影、唔現身問責咁解，Greg蘇讚EQ潛水叻都可算無心之失兼大整蠱，難怪建仔黨主席譚耀宗之後要即刻消毒，笑笑口咁話，Greg蘇讚EQ潛水叻，佢本人就唔識潛水嘞，仲即場教訓黨內議員唔應該隨便潛水，因為唔睇時間或地點就潛水嘅話，下屆選舉就好難當選喎。
譚Sir連消帶打嘅潛台詞，Greg蘇領唔領會到呢？
