政壇：楊章桂芝歐遊掃名袋
楊章桂芝（左）同大女Sheena歐遊瘋狂購物，滿載而歸。（受訪者提供）
新華旅遊董事總經理楊章桂芝（Cindy）足迹遍全球，早前佢又趁假期赴巴黎、倫敦及比利時玩番轉，順路掃法國名牌手袋。今次同行嘅仲有大女Sheena及二女Jane，呢次出遊撞啱歐元匯價平，Cindy一口氣掃咗三個名牌手袋，仲買多五條頸巾襯衫添！除咗Shopping外，唔少得品嘗米芝蓮星級餐廳，佢去到巴黎嘅餐廳，侍應殷勤體貼，態度同幾年前相比，簡直係一百八十度轉變。細問之下，原來因為歐洲經濟不景氣，生意難做，難怪老闆同侍應嘅服務都好啲喇！
楊章桂芝（左）同大女Sheena歐遊瘋狂購物，滿載而歸。（受訪者提供）
Cindy嘅大女Sheena喺墨爾本開公關公司做老闆，今次專程飛歐洲陪媽媽。
