政壇：官避收禮怕變貪曾貪湯
「貪曾」前特首曾蔭權爵士同前廉政專員湯顯明（貪湯）嘅貪腐送禮醜聞，搞到香港同廉政公署嘅形象大受影響，據聞官場中人為免成為貪曾、貪湯嘅翻版。
有政府中人爆料，內地官場興送禮，即使向內地單位表明唔收禮，但「你有張良計，我有過牆梯」，早年就有最經典嘅一招，內地部門預知高官入住邊間酒店及房間，一早就喺酒店房放晒形形色色嘅禮物，甚至連名都寫埋，迫使有關高官想退回禮物都冇得退。有官員就話，內地單位送嘅水晶家吓收收埋埋有幾個紙箱咁多，當垃圾棄置又唔係，諗番轉頭收張紀念狀仲有價值。依家政府中人都會事前講到明乜都唔收，希望呢股簡約之風真係成為官場文化喇。
