SUN搞作:Sun官場現形記:議員鬥「瀉」
MC興
日前,立法會本來要繼續審議財政預算案,點知未拉布就先流會。對於流會責任,無論建制定泛民,個個都卸得就卸,互數大家不是,堂堂一個議事廳,轉眼間就變咗小學操場,成班小學雞噪到拆天……
MC興
MC興︰我日以繼夜,夜以繼日,再日以繼夜聽你哋拉布,已經算喺咁,你哋今日仲要搞到流會,有冇搞錯?
長毛︰你哋建制派咁多人,嚟多幾個,已經唔會流會喇,你哋更表唔掂,關我哋咩事!
MC興︰個個議員都有責任確保開到會,但你哋喺「死線」前特登走出議事廳喎!
長毛︰我鍾意出就出,入就入,自由社會,唔通做咩都要問你先?
MC興︰嘩,咁你擺明係卸啫!
長毛︰我「卸」你又知?
MC興︰嗱!嗱!嗱!終於認喇!
長毛︰我話我出議事廳,係因為肚瀉,有咩唔敢認!
MC興︰@#$%^&^&**!#$$%