政壇：政商定格：恒生80歲樂韻遍酒會
李慧敏（右）喺恒生八十周年酒會上鳴鼓。
唔經唔覺，原來恒生銀行今年已經八十歲，尋晚喺八十周年慶祝酒會期間響起一段音樂旋律，似曾相識，哈哈！原來係細個成日聽嘅廣告歌「小莫小於水滴，漸成大海汪洋……」，當堂勾起在場人士兒時一代港人奮鬥嘅集體回憶。
李慧敏（右）喺恒生八十周年酒會上鳴鼓。
晚會突然間鼓聲隆隆，原來係敲擊樂大師龍向榮博士帶領嘅樂團表演敲擊樂，佢哋走到落台嘅時候，就連幾個銀行大班好似滙豐香港區嘅總裁Anita馮婉眉咁，都忍唔住加入埋一份敲咗幾下添。
當鼓聲稍為靜落嚟，冇幾耐又再響起，原來係主人家恒生董事長錢果豐博士同恒生副董事長兼行政總裁Rose李慧敏浩浩蕩蕩咁進場。
