SUN搞作:Sun官場現形記:三人行,行必有招
尋日立會審議財政預算案又流會!李衞收到風,成班建制派扮晒嘢唔出席,搞到最後長毛同埋幾個泛民議員嬲得滯,劈炮唔開會,最後製造咗個「拉布手剪布」嘅效果。今日等李衞披露入面絕密嘅對話啦!
(會議開始前)
元秋:鯨子,今日鼠王芬入密室,後日你。
鑌鑌:你哋有晒部署都唔同我講,大家唔係坐埋同一條船嘅咩?
元秋:你識做時我識做啦!你唔好成日沉迷織頸巾,迷到聽唔到我哋講嘢先得o架!
慧鯨子:係囉,你唔能夠「力敵」,都要「智取」,用吓個腦去諗點解條布無拉嘅價值吖嘛!
鑌鑌:我平時已經做咗好多幅「爭取」乜乜物物嘅Banner喇喎……仲唔夠咩?
元秋:有啲嘢唔可以擺晒上枱o架!我哋用緊激將法呀,聰明!
(開會點人數)
長毛:哼!你哋要唔嚟呀嘛,我走喇!
元秋:(奸笑介)哈哈!
鑌鑌:(恍然大悟介)我明喇!
(立法會外)
長毛:咦,咁咪即係我自己剪咗塊布?弊喇……中伏!
作者:李衞