政壇：政商定格：肥亨專用髮廊CY都幫襯
陳南祿有意發展山頂廣場，興建最長嘅韆鞦及空中鋼索吸引遊客。（資料圖片）
城中名人恤髮各有據點。前日勞動節假期，前商務及經濟發展局局長馬時亨（肥亨）喺銅鑼灣世貿中心出現，恤衫西褲加橙色風褸嘅肥亨，一支公走入九樓一間髮廊，被職員迎入貴賓房後，個零鐘就剪短咗頭髮精神爽利。肥亨話自己幫襯開呢間髮廊，據知情人士透露，唔少名人都鍾意去幫襯，就連特首梁振英都係座上客，仲話上周先至幫襯過喎！
陳南祿有意發展山頂廣場，興建最長嘅韆鞦及空中鋼索吸引遊客。（資料圖片）
樓市波動，但肥亨似絲毫不受影響，佢上年以九千萬元嘅價錢，喺高位放售港島中半山馬己仙峽道一個低層單位，之後一直同太太王培琪喺舊居附近租樓住，近排又做番業主，買入港島南大潭道浪琴園一個二千幾呎單位，不過暫時只係用嚟放租，佢話就算未來有乜依郁，點都有瓦遮頭，佢嘅細女今年亦將嫁人，由原來嘅一家四口變番佢同太太二人世界，難怪佢話住細啲都冇問題。
