謝偉俊話香港睇落好似先進,唯獨政治方面好幼稚。

城市大學尋日舉行咗個「佔領中環」論壇,發起「佔中」行動嘅香港大學法律學院副教授戴耀廷、立法會議員何俊仁、謝偉俊以及相關人士都有出席。「佔中」行動之前籌到嘅資金,轉個頭已經嚴重匱乏,終於要搵大水喉射住。戴耀廷就大爆,已經積極同民陣傾緊,希望對方喺七一幫手籌錢喎。

謝偉俊話香港睇落好似先進,唯獨政治方面好幼稚。

尋日個論壇本來好和平,不過到兩位議員發言時,唔知係咪拉布拉得唔耐煩,怨氣特別重,忍唔住互窒對方,謝偉俊話「佔中」未開始,已經引起咁多市民不安,似乎想搞到個社會愈亂愈好,香港睇落好似乜都好先進,唯獨政治方面好幼稚;支持「佔中」嘅何俊仁就寸番佢:「謝偉俊平時着衫去玩都好前衞,但係政治發言就比較幼稚喇!」謝偉俊亦不甘示弱,反寸對方:「呢啲咪就係大佬文化囉!何謂大佬文化?即係話,我喺政圈咁多年,你哋啲 仔識咩吖!」

第一手消息請下載on.cc東方互動iPhone/iPad/Android/Windows Phone Apps