政壇：蔡菜子倡北角劃灣仔
選區劃界對政黨操作十分重要，傳聞港島區未來一兩個月會有劃界初稿，我哋早前都話過，天后同炮台山嘅選區有可能劃入灣仔區議會，此舉隨即惹來北角福建幫反彈，福建幫蔡素玉（蔡菜子）近期更提出反建議，寧願成個北角劃入灣仔區，好過將北角一分為二。有地區人士分析指咁樣最大受害者或者係鍾樹根！
北角係傳統福建幫地盤，蔡菜子向來唔建議將北角劃分到支離破碎，我哋尋日搵過蔡菜子，但佢未有回覆。地區人士就評估，呢個劃法對民建聯係咪有利暫時唔知，但肯定有利蔡菜子，因為成個北角區共有十一個選區，近乎全部都係福建幫嘅勢力，反觀灣仔區議會人丁單薄得十三人，如果北角區劃入灣仔，咁呢十一名福建幫就成為灣仔區第一大勢力。
