政府總部餐廳對面掛住一幅超巨型嘅「家是香港」橫額,認真誇張。

政府高官上星期一連三日落區大搞清潔騷,為「家是香港」活動揭開序幕。活動搞到咁大型,究竟要使幾多錢呢?政府話活動不涉額外開支,而且政府新聞處每年都要搞吓大型活動喎,睇番本年度財政預算案嘅新聞處開支預算內,估計由政務司司長林鄭月娥擔頭嘅家是香港活動開支或要五百多萬元。

政府總部餐廳對面掛住一幅超巨型嘅「家是香港」橫額,認真誇張。

新聞處嘅預算開支顯示,年內會舉辦八次大型活動同百場小型活動推廣公民責任,共開支四千六百萬元,八項活動中其一就係「家是香港」,按此計算今次家是香港活動估計要花五百多萬元。自從呢個活動開展以來,市面就出現一片「家是香港」嘅旗海,最誇張嘅係政府總部內對正餐廳門口嘅一幅巨型橫額,無他嘅,咪係無時無刻提醒各位公務員,大家嘅「家」就係香港囉。

第一手消息請下載on.cc東方互動iPhone/iPad/Android/Windows Phone Apps