SUN搞作：Sun官場現形記：消失的議員
消失的議員
有監察組織公布新一屆立法會「新丁」頭一百日嘅表現，點知建仔「新丁」嘅「不表態指標」最高，即係有出席會議但投票時不在場，或者經常投棄權票，當中榜上有名嘅鑌鑌同元秋，就坐埋講番呢件事……
消失的議員
元秋︰你榮登「不表態」榜首，好心你就檢討吓喇！
鑌鑌︰咁有時人有三急……
元秋︰係咪要去得咁密？
鑌鑌︰我一急係聽電話，你知我哋投票要聽黨決定；二急係要趕住去「成功爭取」，唔係邊得嚟咁多地區政績？
元秋︰咁三急係咩？
鑌鑌︰咪真係要去廁所囉！咦，你都榜上有名o架喎，做咩淨係話我？
元秋︰我成日要運功狂吼，有時梗係要調息吓！
鑌鑌︰咁算唔算係講就兇狠，做就……
（長毛咁啱經過）
長毛︰多謝你兩位喎！
元秋︰多謝啲咩？
長毛︰如果唔係你哋成日唔在場，我哋點可以成日要求點人數。
鑌鑌︰@#$%^&*&*(&*(*$%^^
作者：李衞
