政壇：政商定格：陳恒鑌織頸巾對抗拉布
陳恒鑌要重新織過條頸巾，灰爆咁話。
自上星期三開始，立法會審議財政預算案嘅拉布戰差唔多每日進行，要求點人數嘅鐘聲響個不停。所以，悶爆嘅議員最好不過就係坐定定學整手工藝嘞。阿Ben陳恒鑌最近就爭取用呢段時間學織頸巾，但上星期三見佢明明織咗兩、三米長，點解最近見佢織緊嗰條頸巾仲短過之前嘅？
陳恒鑌要重新織過條頸巾，灰爆咁話。
原來條頸巾要重新織過，佢話喺議事廳入面織頸巾真係難度好高，因為一方面要留心聽，另一方面就係有啲時候，社民連梁國雄等人嘅言論搞到佢熱血沸騰，佢又唔可以一心二用，所以一唔留神，就織得慢同頻頻出錯，結果原本四十二針嘅頸巾，無端端就變咗五十針。
呢幾日佢已織錯過兩次，所以咪要拆咗從頭嚟過囉。佢又話如果淨係咁都冇乜所謂，最慘係要加埋被老婆寸佢無天分，真係灰爆。
