自從淫賤黎賣咗台灣「壹奠事」之後，炒魷嘅陰霾就係香港《爛果》散布，少膽虫雖然係老腫，但係都保持住危機意識，只要淫賤黎行過，就要低頭扮做嘢。啲人成日問點解做老腫都咁忙，少膽虫就會不屑講句︰「你識鬼咩！忙住扮忙，乜都攬嚟做先可以保住份工咋！」

不過少膽虫明白到，淨係扮多嘢做係唔夠o架，仲要再出奇招，先至可以吸引淫賤黎注意。嗱！嗱！嗱！呢方面少膽虫就真係不得不讚編輯肥豪，佢竟然喺編版嗰陣，拎飯盒出嚟，企起身食飯。每當淫賤黎行過就問︰「肥豪你做咩？」肥豪就自豪咁話︰「啱啱做完嘢，依家食飯。」而當見到肥豪口邊黐住粒飯，淫賤黎就大叫︰「肥豪，咪走！」仲衝前啜咗肥豪一啖，呢個情景嚇親成個編輯部，只見淫賤黎食完，好滿足咁講咗句︰「好彩粒米無走到，有食唔食罪大惡極。」呢個肥仔真係天可憐見，但亦因為咁，淫賤黎就更加like佢！

為咗超越肥豪，少膽虫絞盡腦汁諗計，終於諗到條好橋，首先係立下決心食番薯，而皇天不負有心人，淫賤黎叫咗少膽虫入房。淫賤黎一開口就話︰「點解成陣石油氣味？」少膽虫就話︰「sorry，老細，今日忙到無時間去廁所……」淫賤黎睥睨少膽虫，話︰「你忙係你嘅事，你知我依家好易暈，聞到你啲『石油氣』，我暈上暈！」少膽虫一聽，淆到腳都震埋。淫賤黎再開口︰「少膽虫，我啱啱手頭鬆咗，你嘅下場將會同我一樣！」「即係財源滾滾來？」少膽虫問。只見嬲到震嘅淫賤黎吼叫︰「錯，你係『裁員』滾滾來就真！」

第一手消息請下載on.cc東方互動iPhone/iPad/Android/Windows Phone Apps