SUN搞作：Sun官場現形記：「黃金」有菌
香港政府搞嗰個「家是香港」運動，唔止廣惹批評，一班高官整色整水，仲要揀嘢嚟做！市民嘅眼睛係雪亮嘅，今次就等李衞踢爆某些高官嘅「騎呢」一面啦！
淋淨：去街市抹嘢似乎回響嘛嘛喎！
鬍鬚曾：我連專針對我哋嘅「橋底」都去埋，都無人熱烈歡迎我！
永文：清潔衞生，人人有責。你哋都出咗力o架喇！
淋淨：我哋兩個都搞唔掂，睇嚟接落去應該換吓主力。永文你試吓啦！
永文：我暫時有好多工作跟緊。
鬍鬚曾：嚟緊呢個禮拜多假期，你抽一兩日假出去洗吓街就得o架喇！
永文：我……我忙緊控制疫情呀！
淋淨：疫情？都未殺到！
永文：我每日都同內地官員保持通話，跟進緊o架！
鬍鬚曾：咁通話完畢之後總有時間啩？
永文：……我怕五一遍地自由行嘅「黃金」，有菌呀！
淋淨、鬍鬚曾：ghjh**#^()%$gf$%^%^
