政壇：政商定格：方星海傳調往中證監
方星海一向係上海利益捍衞者，市傳佢可能調任中證監主席助理。（資料圖片）
港、滬雙城競爭係好多人關注嘅焦點，而上海市金融服務辦公室主任方星海，更係港滬話題嘅焦點人物，因為佢一向極力捍衞上海利益，近日市場傳聞，佢已經確定會上調中央，好大機會將出任中證監主席、同樣係今年先至上任嘅肖鋼嘅助理一職。個消息最早係一個叫「藍鯨財經記者內參」嘅微博帳戶傳出，呢個微博號稱係千六名記者嘅共同帳戶。
方星海一向係上海利益捍衞者，市傳佢可能調任中證監主席助理。（資料圖片）
方星海一向敢言，捍衞上海利益不遺餘力，曾經話過上海中長期目標係同紐約、倫敦比較，言下之意暗指香港同上海比未夠班，又話香港建人民幣離岸中心係「一個草率嘅主意」，呢啲踩低香港，抬高上海嘅金句令唔少港人印象深刻。如果佢調往中證監，會唔會有另一啲惹火言論呢？
