政壇：政商定格：撲金畀弟婦陳李妮歷險
陳李妮（左一）細佬李毅（左二）與陳曉君（中）結婚，李媽媽（右二）及新娘母親（右一）安樂晒。
城中近期到處都有人搶金，搞到唔少金舖飾櫃經常空空如也，博愛醫院副主席陳李妮（Lily）最近就差啲要食驚風散，事關佢唯一嘅細佬李毅（Joe）日前同女友陳曉君（Katie）拉埋天窗，Lily升呢做大姑奶好開心，諗住買對重量級龍鳳鈪送畀新娘，點知佢喺婚禮前幾日去金舖買金，竟然被飾櫃恍似被打劫嘅場景嚇咗一跳，好彩Lily係金舖熟客，預訂後成功撲到一對龍鳳鈪，最終有驚無險。
陳李妮（左一）細佬李毅（左二）與陳曉君（中）結婚，李媽媽（右二）及新娘母親（右一）安樂晒。
李毅嘅婚宴極之低調，只擺七圍宴請至親好友，Lily話兩姊弟感情好好，依家細佬搵到好老婆，佢既開心又唔捨得，笑稱要時間適應細佬已脫離佢「管轄」範圍嘅事實喎！當晚到賀者仲有創作無數膾炙人口流行歌曲嘅金牌填詞人向雪懷、「霓虹燈大王」第二代接班人譚浩瀚（William）等。
