政壇：搞搞政：范國威鴨仔團被插殘忍
設計圖片及對白
荷蘭概念藝術大師霍夫曼設計嘅黃色橡皮巨鴨（Rubber Duck）嚟咗香港，到處都有觀鴨熱，身兼西貢區議員嘅新民主同盟立法會議員范國威（Gary）都諗咗條好橋，食住個勢為將軍澳居民搞咗個「親子鴨仔團」，呢個「鴨仔團」專賣鴨仔概念，但有網民就批評Gary帶啲小朋友睇完鴨又去食片皮鴨，做法好殘忍，甚至唔尊重鴨嘅生命喎。
設計圖片及對白
Gary今個月底會搞個鴨仔團，睇完橡皮鴨後，旅行團嘅午餐會食北京片皮鴨，而大抽獎嘅獎品仲要係一盒價值百幾蚊嘅鴨舌，Gary更計劃全程戴住鴨嘴帽。有網民就讚Gary呢個屋邨旅行團夠晒創意，但亦有網民批評佢食鴨嘅部署，認為應該趁去睇巨鴨嘅機會，教導小朋友珍惜生命、保護生態環境咁話。
睇到網民嘅意見，Gary話得啖笑︰「唔通喺食海鮮嘅酒樓出面睇完龍躉鮑魚，入到去唔食魚咩？」不過自嘲係「咖喱飯」嘅佢隨即又喺網站貼文，話為咗吸引道德人士參加，不妨改食鴨仔咖喱飯喎。
