淫賤黎又有嘢搞!幾個月前淫黎同條虫講,為咗「營造一股氣勢」,佢決定出多本「全霉雜誌」。須知道,幾星期前壹全霉股價插水,買咗爛果股票嘅炒家,紛紛打畀淫黎投訴,話佢累街坊輸晒啲錢云云。淫黎不嬲當海耶克神咁拜,希望成為新自由主義市場下嘅香港教主。喺呢個危急關頭,力挽狂瀾嘅最好方法,當然係營造一種「我唔會冧嘅」氛圍,就算個蘋果裏面長滿蟲,你都要幫佢披件華麗嘅外衣嚟欺騙大眾。

為咗喺限期前完成任務,少膽虫同班虫仔虫女通咗好多晚頂,個腦差啲諗爆,先諗到幾條「作到爛」嘅橋去濫竽充數。鬼咩,玩新嘢又嫌太激、行中間路線又話無新鮮感、搞顛覆就話激進,我哋同正義傳媒唔同,人哋有所謂好開明嘅管理層,知道咩叫兼收並蓄、待用無遺,又願意同單一文化、刻板印象對壘。我哋要嘅係銷量、係讀者,玩啲咁嘅嘢,無人買嘅話,唔通叫淫黎同壹全霉上下一齊訓街呀?所以,喺有限嘅選擇底下,咪惟有作條舊橋再重新包裝嚟交貨囉!

少膽虫收到風,「全霉雜誌」嘅「氣場」都唔錯o架,內容方面,就好似空氣咁,可以好充實、又可以好輕浮,總之就係你估我唔到。係咪好新鮮、好pure好true呢?呢啲都係《爛果》嘅辦報精神呀!

第一手消息請下載on.cc東方互動iPhone/iPad/Android/Windows Phone Apps