SUN搞作：Sun官場現形記：阿婆爭普選，2077喇！
百足之蟲死而不僵，民主阿婆呢個舊電池，依家又搞啲咩「2020」，靈異味十足，一眼就睇穿佢係借機抽水喇。近日佢終於按捺不住，親口話希望有機會同中央溝通，熱血憤青梗係開口鬧爆佢喇！
熱血憤青︰阿婆你露底，現晒出嚟喇！
民主阿婆︰耶，唔好望喇……
熱血憤青︰阿婆底，有咩好望，你仲以為自己十八、廿二咩？
民主阿婆︰咁你哋仲望？人哋面皮薄、好怕醜o架……
熱血憤青︰我哋望咩呀？依家係話你想同中央溝通嘅底牌露咗出嚟！
民主阿婆︰做咩咁話人喎……
熱血憤青︰又係嘅，由你出番嚟搞組織嗰陣，個樣成個湯告魯斯咁都知你係抽水多。
民主阿婆︰點解咁講？
熱血憤青︰佢套戲係《攻‧元2077》，靠你爭普選點只要等到「2020」，起碼「公元2077」喇！
