政壇：政商定格：唐唐與梁粉馬場無碰面
唐英年（右）同太太郭妤淺拖到實一實，笑晒咁入馬場。
尋日喺沙田馬場見到全國政協常委唐唐兩夫婦同唐媽媽尤淑圻，仲帶埋一班朋友嚟碰運氣。一向熱愛賽馬運動嘅唐唐笑容滿面，話今次入場係嚟請朋友食飯，佢仲同朋友喺廂房外嘅露台睇馬，睇到指手畫腳，不知幾興奮。咁啱得咁蹺，包括三位行政會議成員張震遠、張志剛同周松崗等「梁粉」，佢哋都算係馬場嘅稀客，竟然同唐唐喺馬場相隔幾十米嘅唔同廂房，一齊睇馬。不過，雙方並無碰面。
唐英年（右）同太太郭妤淺拖到實一實，笑晒咁入馬場。
前立法局議員陸觀豪（右起）、張震遠太太、張震遠、周松崗同張志剛等欣賞賽事。
