政壇：政商定格：梁美芬扮演夫兒和事老
城大法律學院學生揚威國際，立法會議員梁美芬（中）嚟為老公王貴國（左）打氣，右為胡曉明。
讀法律出身嘅立法會議員梁美芬日前出席城大法學院祝捷會，班學生喺奧地利維也納舉行嘅國際仲裁辯論賽中奪冠，擊敗全球近三百支隊伍，更拗贏來自哈佛、耶魯大學嘅高材生，為港爭光。咁高興，城大校董會主席胡曉明、校長郭位、法律學院國際顧問委員會聯席主席葉錫安等齊現身打氣，當然唔少得佢老公、城大法律學院院長王貴國。
城大法律學院學生揚威國際，立法會議員梁美芬（中）嚟為老公王貴國（左）打氣，右為胡曉明。
同老公同場，梁美芬變得小鳥依人。問佢同老公比，邊個鬧交叻啲，佢話喺屋企多數扮演調解員「和事老」角色，有次見老公對兒子嚴厲訓話，佢立即「家嫂」上身，好言相勸話阿仔只係七歲小朋友，唔係大學生，叫老公唔好咁惡喎！
