SUN世代：家族低調避談「四叔」

叔父「四叔」李兆基聲名顯赫，不少人都想從Herbert口中探聽這戶名門世家的一二事，但Herbert不欲多談四叔一家的事，只稱家族關係融洽密切，「其實我哋成個家族嘅人都好低調，係外界好關心，報道到佢哋好似好高調咁。」

關於家事，Herbert選擇避談。但當說到年少時的興趣，他便顯得相當雀躍。年輕時不但研究過無線電，更曾是攝影發燒友，家中收藏多部經典相機，當年更把廁所當黑房沖曬菲林相。這個上一代龍友最愛帶着相機到處影，坦言最愛影靚女。「我都有玩『哈蘇機』，由菲林機玩到數碼相機，但人大咗就愈來愈忙，忙到相機都擺到發晒霉喇。」

喜歡認識新知識新事物，好學的Herbert是家族目前唯一攻讀至博士的人。而他凡事愛探究，想不到連珠寶設計亦是其中之一的專長，「我好鍾意研究啲嘢係點樣造出嚟，原來喺顯微鏡下，會睇到珠寶內裏構造其實好複雜。」