政壇：羅德榮助視障者博聽群書

香港盲人體育總會日前喺沙田中央公園舉行一年一度慈善步行，城中名人同一百名視障運動員齊參賽，身為該會理事嘅餐廳股東Benson羅德榮就拉埋老友潮青名譽參事陳光明行大運。

講起做運動，Benson大讚失明人士天賦高，跑步、游水、打高球樣樣精。佢見過失明人士跑起步來仲快過領跑員，搞到對方索晒氣。對失明人士瞭若指掌，皆因佢過去兩年幫助失明人士免費製作發聲書籍，至今已有三、四十本，包括名著《三字經》，等佢哋可博聽群書，增進知識，佢仲不時出錢贊助失明運動員出外參加國際比賽添！