SUN搞作：Sun官場現形記：自我定義

有留意開香港政壇嘅都知，有部分議員係好鍾意自己「下定義」嘅。佢哋有可能搬咗教仔嗰套返去立法會、又有可能返得大陸多，又或者以為自己係造物者。前日李衞就偷聽到段對話，今日實行嚟個大踢爆！

作者：李衛

監淋：（演講尾聲）呢啲就係我嘅堅持喇……

九西管理層：淋生，我哋會參考同討論。

監淋：（漸怒）我係鑑賞員！你要聽我講！

九西管理層：正所謂海納百川，有容乃大。我哋並不能只按一個人嘅本子辦事o架！

監淋：（怒）你嘅自由唔係舊石度爆出嚟o架！係有人揀畀你o架！

九西管理層：坐低飲杯茶先，你塊面紅晒喇！

監淋：講咗咁耐，你哋究竟肯唔肯應承我？

九西管理層：你個要求，令我哋好難做！

監淋：（照鏡）你睇吓，我塊紅面，令呢一刻嘅我更加似一個藝術品，我只係要求你幫我做個像放喺博物館入面啫，咁都唔肯應承我？