政壇：政商定格：陳姿允搞旅遊玩樂apps

名媛陳姿允尋日出席一個旅行篋品牌嘅活動，佢更應品牌邀請設計藝術品，佢話設計靈感來自旅行需要周圍看風景，周圍行，又話：「我用咗兩星期去整，其實我好鍾意藝術，不過細個要讀金融，無讀藝術。」佢又透露會寫一個集旅行、美食、娛樂於一身嘅apps，話：「主要係講東南亞，搵十幾個名人幫手介紹，但未可透露住，今次我可以順便去旅行玩。」咁想唔想創立個人品牌？佢直言冇時間：「想搞個時裝品牌，搵古靈精怪服飾，但冇時間去搞」。