政壇：夏佳理告別港交搵真銀

尋日港交所AGM，夏佳理正式退任，結束七年港交所非執董生涯。無戴住港交所頂帽，佢話一身鬆晒，仲笑笑口話卸任後佢間律師行可以多做啲生意，實行搵真銀！

夏佳理任內最為人津津樂道可算係瞓身推廣海外公司來港上市，但呢個計劃好似「有頭威，無尾陣」，近年更加係「斷晒纜」咁！佢就話經濟同市況都有影響，好多美國同歐洲公司，個別行業增長都有疑問，未必覺得依家上市係合適，但佢相信港交所同事仍會繼續吸引海外公司來上市。