政壇:政商定格:張燊悅逢周一食素

教育局前政治助理楊哲安嘅太太張燊悅前晚出席活動時,笑言自己好喜歡食肉類,係正宗嘅「肉女」一名,但佢透露自己由兩個月前開始,每逢星期一都食素,坦言係一大挑戰。佢話:「就算係餸裏面有肉,我自己會唔食,所以依家星期一多數都唔約人食飯。」咁有冇叫囡囡同老公楊哲安一齊做?佢話:「要一步步嚟。我希望自己先唔食,再感染其他人。其實食素喺美國流行咗好耐,依家香港都多咗人知。我都有瘦到,不過唔關食素事,食素唔應該為減肥,應該為健康。」另外佢話唔會刻意再生BB,但就話人多亦開心,明顯唔抗拒再生。

第一手消息請下載on.cc東方互動iPhone/iPad/Android/Windows Phone Apps

張燊悅笑言好喜歡食肉類,係正宗嘅「肉女」一名。