政壇:陳碧華返加國享天倫

對於陳碧華,大家應該唔陌生,佢喺八達通公司擔任行政總裁期間,出現唔少風風雨雨,其後過檔TVB,但又好快加入恒隆地產做租務及銷售董事。點知坐得唔耐,有消息話佢將喺七月離開恒隆,但今次離任唔係因有人挖角或轉行,據知陳碧華將返加拿大同家人共享天倫。

陳碧華原名陳碧鏵,一一年加盟恒隆時改埋名。加入地產界都係佢嘅新嘗試,估唔到過檔年幾就決定離任。恒隆老友已確認佢會離職,即係堅喇。但據知佢今次決定離任,其實係老公多年游說嘅結果,難怪恒隆主席陳啟宗即使唔捨得,最終都接納佢嘅辭任決定。

第一手消息請下載on.cc東方互動iPhone/iPad/Android/Windows Phone Apps

陳碧華將於七月離開恒隆。(資料圖片)