SUN搞作：打橫嚟講：北京叫停外國救援

四川雅安七級大地震，不特止震毀川人家園，也震出全球華人對中國大陸官場貪腐無能和虛假自大的不滿。

以往，每逢中國天災厄難，世界各地龍的傳人皆振臂捐助，尤以香港人出錢出力最盛，不要說「遠古」的華東水災，即使五年前的汶川地震，港人的付出，簡直就像自家門前之事般苦痛，休戚與共；但今天情況，點呢？居然好多人第一時間跳出來，呼籲大家不要再「捐錢」畀大陸賑災，究竟發生乜嘢事呢？

一方有難，八方支援，勿說災民是血濃於水的同胞，就算係曾侵華的日本出了事，大家也不計前嫌的出手相助！

近幾年，中國以「GDP強國」自居，強國人一篋篋現金到處掃貨，其囂張跋扈嘅態度早叫人眼冤，加上其官員之貪腐荒淫，猶勝隋末晚年；國家引以為榮的穩定，其實，只靠暴政強權和獨裁打壓，境內民眾敢怒而不敢言啫！境外的人，一早就唔順超佢哋啦！事實更擺在眼前，那捐助汶川的巨款，去晒邊呢？又被揭發「揼落大海」囉！重建的樓房，竟也是「豆腐渣」新屋；仲有，監察和踢爆政府造假的「普通平民」，不是被滅聲，就是遭追緝，一係人間慘案，一係人間消失，任揀一樣！

當北京外交部公布表示政府救援物資充裕、毋須外國救援時，叫咱們香港人如何自居呢？

捐錢？唔夠大陸人富貴；捐物資？人哋唔收。唯一可以做的，就是叫停香港政府高層，咪叻唔切唔聽阿爺話呀！同埋，幫手(目及)住撥款去向！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府