太陽透視鏡：逼吸廢氣家長禁子女學習

【本報訊】康文署現有可供租用以練習龍獅的場地有限，惟團體數目眾多，單是油尖旺區已有逾一百三十個，不但場地供不應求，即使成功租用亦無法配合鑼鼓練習。香港北少林門龍子祥國術總會、龍獅隊總教練龍志暉坦言，曾嘗過無數次投訴甚至被趕的滋味，「露天場地落雨練唔到，室內場地樓底又未必夠高，想敲鑼打鼓又會畀人投訴話嘈，咁叫我哋點練？」

龍志暉現時每星期只能與隊員到油麻地天橋底練習，被迫吸入汽車噴出的廢氣，附近更有不少露宿者與癮君子，多年來因練習環境惡劣，失去不少有潛質的後進，「縮喺天橋底練習，好多家長都會懷疑應唔應該畀啲小朋友嚟學！」

志新自小學六年級開始跟龍師傅學習舞龍，六年來曾遭家人無數次反對，「以前細個練到半夜三更先返屋企，屋企人擔心唔知群埋咩人、喺邊度練習，成日叫我退出唔好再練！」志新幾經堅持，且做出成績，家人才不再反對，讓志新繼續學習。