內地爆發致命率高嘅H7N9禽流感，又再傳中藥板藍根可防治禽流感，於是又出現一股搶購潮。不過香港中藥業協會理事長李應生話，板藍根雖然可以清熱毒，但能否有效防治還須視乎其他因素。所以服食之前最好搵中醫把吓脈咁話。
雖然今次爆發禽流感疫情係千里之外嘅華東，但李應生話明白港人有防疫失守嘅憂慮，為此佢經已增加板藍根等多種解表藥嘅進口，力求穩定售價同埋避免出現好似奶粉荒嘅狀況。