SUN世代:父親傳授「講價」秘技

讀書加上工作,王龍毅足足在美國生活了十四年。一下子,他突然回流返港,每星期有五日要到內地巡視廠房、跟客人傾生意,這種一百八十度改變的生活,他最初十分不習慣。

「我國語唔係幾好,有次喺內地想買萬字夾,諗住用好正宗嘅國語講『萬字夾』,點知無人聽得明,最後要畫出嚟先買到。後嚟先知原來國語無呢三個字,而係叫做『回形針』。」

生活習慣不同、文化差異,只能透過不斷撞板,從中學習。但幸好,王龍毅身邊有一位好老師—他的父親。「我爹哋喺國內做咗好多年生意,佢成日會同我分享經驗,例如話同唔同省份嘅人傾生意,講價嘅程度都唔同。」

今年六十五歲的王父,至今仍未言休,是王龍毅的學習榜樣︰「爹哋好鍾意做嘢,我依家可以喺呢度同你做訪問,係因為佢喺內地幫我睇住個廠。喺佢身上,我真係學到好多嘢。」

第一手消息請下載on.cc東方互動iPhone/iPad/Android/Windows Phone Apps

父親(左)是王龍毅永遠學習的榜樣。