SUN搞作:Sun官場現形記:周一鑊露底
周一鑊被翻閹,再出任公職,佢即刻以為自己好威威,唔單止成鬼日唱埋啲鬼哭神嚎嘅歌,加劇噪音污染,早兩日同電視台做訪問嗰陣,仲政制局局長上身,學人講普選,識少少扮代表,自然出醜人前喇……
作者:李衞
主持︰其實你對同志平權有咩睇法呢?
周一鑊︰最緊要係公平,好似我希望一七普選嘅初選機制有廣泛代表性,同增加普及元素咁。
主持︰可唔可以再講得具體啲?
周一鑊︰即係好似普選咁,要不停做諮詢。
主持︰除咗諮詢,仲有無話要有咩原則?
周一鑊︰好似普選嘅平等而普及嘅原則囉!
主持︰不如將個話題轉番去平權方面……
周一鑊︰你身為主持,要聽嘉賓講嘢,點可以叫人轉話題?咁係僭越本分,對我唔公平!
主持︰咁你身為平機會主席,但搶咗政制局局長要講嘅嘢,咁又公唔公平呢?
周一鑊︰…………