SUN搞作：網絡小說：天與地之家明報夢

「如果，從政能選擇……」鼓佬一邊在練鼓，一邊不斷回想起家明昨晚報夢給他……

「你當年做咩食咗我？仲要骨都唔　！」家明在夢中大叫，鼓佬忙唱：「我唔係求財，我只係求存！我唔係求財，我只係求存！」家明長嘆一聲，搖搖頭，「學魯迅話齋，食人嘅係禮教！唔完全關你事……」鼓佬舒一口氣，但仍繼續辯解說：「我其實唔係好想食你，你係有唔畀我食嘅自由……」家明一聽，怒火中燒，大罵：「吓！我仲諗住報夢話你哋知我已經原諒你添！」

鼓佬連揮雙手，說：「哎呀，愈描愈黑添！我係想話呢個世界，唔係你食我，就係我食你……」家明聽不下去，怒吼：「即係你覺得弱肉強食好啱啦？咁我依家做鬼，係唔係可以搞番你？」鼓佬：「你唔好咁激進，我哋有事慢慢傾。我為咗贖罪，有幫手搞工會，選議員o架。」家明：「你咁好死幫工人搞階級鬥爭？」

鼓佬蠱惑一笑：「係呀，專搞皆cut鬥爭，搞到個個無得撈，人工個個cut！」

作者：揮刀字工