加碼送禮人人愛 回饋讀者陸續來

今日係禮拜日，《太陽報》加碼送禮，相信醒目嘅讀者已經一報在手，唔會走寶嘅！

冇錯嘞，《太陽報》為答謝讀者支持，今日隨報附送三元便利店現金券，人人有份，永不落空。辛苦咗成個禮拜，係時候放鬆吓，此時此刻，既可以慢慢欣賞內容豐富嘅《太陽報》，又可以得到現金券，精神及物質雙重享受，樂也悠悠。話明答謝讀者，梗係唔只咁多喇，接住嘅周二及周四同樣有三元便利店現金券贈送，周五更加大手筆，送五元百佳超市現金券，着數陸續有來，簡直係人見人愛，車見車載。正如有人話齋，日日睇《太陽》，個個心歡暢。

太陽代表光明及希望，睇《太陽報》吸收正能量，可以講係無價之寶，又點只得到現金券咁簡單吖。正所謂，有麝自然香，《太陽報》銷量穩佔中文報章強勢第三位，全靠讀者捧場同支持，就算今次由於成本上漲而不得不加價一元，亦得到讀者諒解，繼續不離不棄，呢啲咪叫以真心換真心囉。話時話，改版後嘅《太陽報》內容更加豐富，版面更加精彩，風格更加清新，深獲讀者好評，唔係冇道理o架。

呢嗱，如果閣下鍾意八吓外國娛樂圈花邊新聞，一定唔會失望，好似娛樂版嘅《外星人》咁，無論韓星、日星、新星、脫星、荷里活巨星，一網打盡，星光熠熠。如果閣下對投資理財有興趣，咁就啱嘞，《太陽報》財經版加強專題式深度報道，配以名嘴分析，深入淺出，為你指點迷津，尤其近排國際金價急挫，金融市場風起雲湧，後市走勢如何，應該點樣投資，最緊要留意《太陽報》，隨時有意外收穫。

當然啦，提起《太陽報》，唔能夠唔講逢周五隨報附送嘅《好報》，買一送一，絕對係一加一大於二。唔係講笑o架，《好報》創刊以來大受歡迎，好評如潮，已成為讀者周五必然之選。就以最新一期嚟講，娛樂封面故事「城城頂足七年，解脫陰笑」，分析娛樂圈至熱話題郭富城與熊黛林分手內情，夠晒八卦，夠晒吸引；另外，《好政經》嘅專題「英屬群島避稅外洩，內地官場人心惶惶」，深入報道，全部堅料，人人睇過都讚好。

仲有吖，為回應讀者要求，《好報》除咗早上派發，仲新增中午午膳及下午放工兩個時段喺銅鑼灣等旺區派發，讀者都大讚非常體貼。總而言之，睇《太陽》有《好報》，兩報雙劍合璧，相得益彰，一定會帶畀讀者更多驚喜。太一叮再次提醒大家，周日、周二同周四送三元便利店現金券，周五送五元百佳現金券，行得快好世界，千祈唔好錯過吖，多謝捧場！