Sun官場現形記：「水」淹立會

預算案拉布戰未開始埋身肉搏，日前就先嚟一場牙骹戰，幾位議員為咗使唔使通宵開會而嘈，嘈嘈吓仲愈講愈遠，淨係「心臟起搏器」都可以講一餐，搞到立會成個小學操場咁……

長毛︰健康好重要，買定心臟起搏器喇，以防萬一。

元秋︰你啲咁嘅人，又要威又要帶頭盔，驚死咪出聲囉，有事記得大嗌喇！

長毛︰使咩咁做，呢度咪有大聲公囉！

元秋︰主席，乜立會有擺定大聲公咩？

長毛︰咁都睇唔到？成支「人肉大聲公」棟喺度囉！

麒麒︰你哋咪咁喇，太激動會爆血管……

元秋︰主席，你出聲評吓理！

長毛︰唔係咁都要趕出去呀？

主席︰計我話，心臟起搏器就唔需要，反而要買抽濕機。

元秋︰點解呢？

主席︰你哋口沫橫飛，如果無抽濕機，我驚呢度會水浸……