政壇：蔡加讚睇淡金價唔急買

近期金價急挫，金舖逼滿趁低吸金嘅人，年尾就會做「老襯」嘅喜運佳鐘錶主席蔡加讚（Karson）尋日同未婚妻汪圓圓現身沙田馬場，問到金價，佢就話仲有得跌，依家唔係趁低吸納嘅時候喎！

一身清爽衣着嘅Karson同圓圓尋日係應朋友邀請入場，兩個人計劃十一月拉埋天窗，近排有冇撲嫁娶金飾呀？Karson話，雖然近日金價曾急跌，但其實呢個跌浪已經持續咗一段日子，估計金價仲會繼續走軟，依家距離婚禮仲有幾個月，所以目前唔急於買金咁話，換言之，佢計劃遲啲再低位掃金囉。