SUN搞作：Sun官場現形記：A字膊實錄

一班議員促政府重提修訂限奶令，但政府成個款好似「皇帝唔急太監急」。今日李衞就同主持大局嗰位人兄做咗個「得啖笑」嘅訪問，大家睇吓啦！

作者：李衞

李衞：局長，你仲諗咗咩方法幫人呀？前線嗰班仲未分到咩粉打咩粉喎！

永文：我咪出咗個「加強版」囉！慢慢睇，睇得明喇掛！

李衞：差唔多幾個月就有新奶粉、米糊推出，呢份「加強版」嘅內容好似唔夠與時並進喎！

永文：唔係o架！「加強版」入面有晒圖畫，用圖畫對住實物睇，一定唔會有錯！

李衞：局長，我嘅意思係，「加強版」唔夠update呀！

永文：唔緊要，前線班人夠update就得啦！

李衞：你好似累到人哋拉錯人喎！

永文：邊係呢！有同事無睇清楚「加強版」之嘛！

李衞：實情會唔會係「加強版」唔夠清晰呢？

永文：唔講喇，我去跟進疫情喇！