SUN世代：icq與太太兩「貓」相遇

漫步John的動畫世界，他前期的作品，大都採用較灰黑的顏色，故事內容亦頗為沉重，看後讓人難以釋懷，實在難以想像，色彩繽紛、看後讓人開懷大笑的「癲噹」，是出自同一人手筆，「其實我諗嘢好負面，成日製造問題，直至我太太出現，個人先正面番啲。」

原來，John與太太Pam結緣，全因一個「貓」字，「當年仲興玩icq，我同太太都喺同一個聊天群組入面，我個網名叫『想貓的魚』，佢就叫『貓子餅餅』，大家都有個貓字，就開始留意對方。」

「太太同我性格好唔同，佢正能量爆燈，無論幾壞嘅事，都可以好樂觀面對，我都畀佢感染到。」二人於○四年成立動畫創作團體「貓室」，John負責畫面創作，文字則交由Pam全權負責，「所有作品都要經佢審批先，佢覺得OK先出得街0架！」