政壇：政商定格：雷禮權鬧爆填鴨教育

香港教育模式向來惹人詬病，九巴董事William雷禮權亦話，雖然香港教育不時改革，但學生中文未有改善，而英文水平亦見遜色，佢見過唔少大學程度嘅求職者，英文能力之不濟，令佢大為吃驚，皆因香港流行單向灌輸嘅教學方式無助啟發學生。佢憶述十二歲前喺香港受教育，喺師長嚴厲督促下死記硬背，學業成績「包尾」，但當佢轉往英國讀書，受到同學間互相激勵，喺寬鬆嘅學習環境下，反而年年考第一。

因為有呢個切身體會，William早就安排一對仔女到英國求學，結果囝囝雷正揚八歲就懂得古今歷史，今屆雙十年華於彼邦攻讀生化科技，舊年暑假曾返港為港大微生物學專家袁國勇做暑期工添，囡囡雷正殷就獲音樂學院取錄，主修鋼琴，William因而更肯定讓子女負笈英倫嘅決定。